ڕێكخراوا ئایریكس (IREX) یا ئه‌مریكى پشتى ڕاگه‌هاندنا (پرۆگرامێ په‌روه‌رده‌یا ژینگه‌هى) ب هه‌ماهه‌نگى لگه‌ل هه‌ردۆک وه‌زاره‌تێن (خواندنا بلند و ڤه‌كۆلینێن زانستى) و (په‌روه‌رده) یێن هه‌رێما كۆدرستانێ. ڕێكخراوا ناڤبرى بتنێ (٤) لێهاتووترین كاندید د ڤیان بۆ پشکداریکرنێ د پڕۆگڕامێ ناڤهاتى دا ژ هه‌مى زانكۆیێن هه‌رێمى ژ كۆلیژێن (په‌روه‌رده و په‌روه‌ردا بنیات). پشتى ب دویماهیهاتنا ژڤانێ پێشكێشكرنێ، دو مامۆستایێن زانكۆیا زاخۆ هاتنه ژێگرتن ئه‌و ژى: (پ. د. ستار جبار حاجی) تایبه‌تمه‌ند د بوارێ په‌روه‌ردێ دا، و ڕاگرێ كۆلیژا په‌روه‌رده، هه‌روه‌سا (د. خالد إلیاس بشیر) تایبه‌تمه‌ند د بوارێ په‌روه‌ردهێ دا، و مامۆستا ل كۆلیژا په‌روه‌ردا بنیات.
هه‌ژى گۆتنێ یه كۆ پڕۆگڕام دێ یێ تایبه‌ت بیت لدۆر گرنگیپێدان ب په‌روه‌رده‌یا ژینگه‌هى ل قوتابخانه و زانكۆیێن هه‌رێما كۆردستانێ، و دێ ل زانكۆیا ویسكونسن ( University of Wisconsin) ل وه‌لاتێ ئه‌مریكا هێته برێڤه‌برن، ل ڕێكه‌فتى (٢٢-٧-٢٠٢٤) و بۆ دەمێ حه‌فتییه‌كێ دێ یێ به‌رده‌وام بیت.